Double job

Ngayon ang unang araw na nilagari ko ang dalawa kong trabaho. 

Gising ng alas sais y media. Alis sa bahay ng alas siete. Takbo mula parking lot tungong bus station. Naiwan ng ‘tang inang bus. Pasok sa station. Hingal, hapo. Hintay sa susunod na biyahe. Sakay sa sumunod na bus limang minuto bago mag-alas otso. Baba sa bus. Takbo tungo sa (unang) trabaho, late ng kinse minutos. Trabaho trabaho trabaho. Ligpit ng mga dapat ligpitin. Alis sa trabaho bandang alas kwatro. Lakad tungong bus station. Nginig sa ‘tang inang lamig. Sakay sa bus, baba sa bus. Tambay sa food court. Kain. Punta sa kotse, kuha ng pamalit na pantalon. Pasok sa (ikalawang) trabaho. Palit ng pantalon dahil black dapat ang uniporme. Punch in ng alas sais y media. Trabaho trabaho trabaho. Ligpit ng mga dapat ligpitin. Punch out, alas dies kinse. Punta sa kotse. Hatid ng kaibigan. Uwi sa bahay.

Lather rinse repeat. Bring it.