Sunday Currently #8

NGAYONG ARAW NG Linggo, ako ay

nagbabasa ng Crudo ni Olivia Laing;

Kasisimula ko pa lang, as in nasa unang pahina pa lang ako, pero hindi ko alam kung itutuloy ko pa kasi nasi-sense kong mabigat ‘yung kuwento. Hindi ko sure kung may extra lakas ako ngayong gabi para magbuhat ng mabigat na kuwento. Hmm.

nagsusulat ng wala naman in particular;

Tinatamad akong tapusin ‘yung essay tungkol sa mga kanta about outer space. Last week nagsulat din ako ng isa pang essay tungkol naman sa pagbabasa pero hindi ko rin matapos. Meh.

nakikinig sa kantang “Bad Boy” ng Red Velvet;

Kagabi ko lang ‘to napakinggan tapos naka-repeat na siya sa Spotify ko ngayon. Nakakainis, haha. Napanood ko rin ‘yung music video tapos lalo akong nainis kasi ang gaganda nila. Hindi ako makapagpasya kung sino favorite member ko, at hindi ko rin alam bakit feeling ko compelled akong magkaroon ng favorite. Nyahaha.

nag-iisip kung ano na ba ang gagawin ko sa buhay ko;

Hayayay buhay.

nakakaamoy ng sunog na asukal;

Gustong-gusto ko ‘yung leche flan na kinain ko last week so sinubukan kong gumawa ng leche flan kahapon. Nagawa ko naman, in fairness. Medyo sunog nga lang ‘yung asukal pero keri lang, leche flan pa rin.

humihiling na sana matapos na ang pandemya;

Sana matapos na ‘tong krisis pangkalusugan na ito ano po. 😦

umaasa na sana magkaroon na ng COVID-19 vaccine;

Sana hindi na tumagal pa kasi, grabe, ano na lang mangyayari sa mga taong nawalan ng trabaho at nakaasa sa ayuda? 😦

nakasuot ng t-shirt at mini skirt;

Pambahay, as usual.

nahuhumaling sa ganda ng panahon ngayon;

Sana summer na lang lagi.

nag-aasam na sana masarap ang ulam ng lahat ng tao sa mundo;

Kung puwede lang, ‘no? Sana lahat ng tao nakakakain sa tamang oras, nakakakain ng pagkain na masustansya, at nakakakain nang hindi kailangan sumilip sa ulam ng iba kasi pare-parehong masarap ang ulam nating lahat. Wew.

nangangailangan ng trabaho;

nakadarama ng antok, pagod, at low-key pagkairita.

Antok, kasi madaling araw na; pagod, kasi marami akong ginawang errands kanina; at pagkairita, kasi ewan ko ba kung bakit nagpasya akong tumutok dito sa SONA. Hmp.

Makatulog na nga.